السلام عليكم ان شاء الله تكونوا بخير .. و صحة و عافية
طبخ العدرات مدونة عربية تعنى بالطبخ و الحلويات و كذا بعض التدابير المنزلية و المطبخية
مدونتنا فيها عدة اقسام و اركان نتمنى منكم زيارتها و تصفحها
الصفحة الرئيسية ⏪ركن مطبخ⏪ركن اطباق رمضانية⏪ركن مقبلات⏪ركن حلويات⏪ركن حلويات معسلة
#اسرار_نجاح_الصابلي
لحاجة اللي تخلي الصابلي هشيش هي أولا لازم تحترمي المقادير تاعو(250 غ زبدة..125 غ سكر صفار بيضة +بيضةكاملة ...1 خميرة...فاني..500 غ فرينة) باسكو عجينة السابلي عندها مقادير مضبوطة حيث أنه دايما كمية المرغرين تكون نصف كمية الفرينة و كمية السكر هي نص كمية المرغرين يعني اذا درتي باكي مرغرين تاع 250 غ يعني تستعملي 500 غ فرينة و 125 غ سكر هاذي مقادير ستوندار ممكن تزيد و لا تنقصي شوية الفرينة علي حساب واش تاكلك لابات بصح هذا هو المبدا تاع السابلي
ثاني حاجة هي البيض...في القاطو صفار البيض يهشش لعجينة و البياض ييبسها... هاذي معلومة لازم تحفضيها... علي هذا و اذا حبيتي يجيك هشيش بزاف استعملي صفار البيض باش اطمي لعجينة احسن ما تستعملي بيضة كومبلي يعني.. 250 غ مرغرين لازملها 2 حبات بيض... أنت في عوض أديري 2 حبات كومبلي... ديري 2 صفار و حبة كومبلي...
السر الثالث هو في المايزينة.... تقدري أتلمي العجينة بالفرينة وحدها و تجي مليحة بصح كي تزيديلها شوية مايزينة تحي هشيشة بزاف... يعني اذا حبيتي الصابلي تاعك يجي يقرمش شوية ديري الفرينة وحدها و اذا حبيتيها تجي مرملة كيما الغريبية زيديلها مايزينة...هاذي مسالة ذوق انا مرات نديرو بالفرينة وحدها و مرات نزيدلها مايزينة يعني القوام أللي يتبدل برك
رابع سر هو ...كي تلمي العجينة ما تعجنيهاش لميها برك.و لازم تخليها طرية ...هذا ثاني مبدا في القاطو... عجينة تلميها طرية مي تطيب تجيك طرية و اذا لميتيها يابسة سي نرمال في الفور تيبس أكثر ...علي هاذي قلتلك في السابلي ديما كيلي الفرينة تكون دوبل كمية ليدام سيريها مليح و حطيها قدامك باش ما تفوتيش هاذ الكمية .
ثاني كي تحلي العجينة تاعك من الاحسن تحليها فوق ساشي باش ما أديريش الفرينة باسكو كيما قلتلك كمية ليدام في السابلي محسوبة لوكان تحليها بفرينة بزاف قادرة تنشفي لعجينة و تجيك يابسة و كي تلميها حطيها في الفريجيدار مدة بسيطة حوالي 15 د باش تشد روحها و تجيك ساهلة في الحلان باسكو فيها ليدام بزاف لو كان تحليها تم تم تتقطعلك.
