السلام عليكم ان شاء الله تكونوا بخير ..
طبخ العدرات مدونة عربية تعنى بالطبخ
.. الرئيسية ⏪مطبخ⏪اطباق رمضانية⏪مقبلات⏪حلويات⏪حلويات معسلة
تقدم لكم طبخ العدرات اليوم غراتان بالجلبانة و الدجاج....اترككم مع مقادير و طريقة التحضير
....
غراتان جلبانة و الدجاج
غراتان خفيف مناسب لموائدنا الرمضانية يتقدم كمقبلة اذا كان ناشف او طبق رئيسي
المقادير و طريقة التحضير
جلبانة
صدر دجاج
بطاطا
ملح فلفل اسود ثوم
بصل كسبر كركم
زيتون اخضر كسبر اخضر
فرماج او جبن مثلثات
بيض
نحضرو مرق ابيض بالجلبانة وصدر دجاج او اي اطراف تفضليها في الدجاجة:زيت+بصل+ثوم+صدر نقلو مليح نفوحو :ملح +فلفل اكحل +كسبر كركم نضيفو الجلبانة ونمرقو نخليوها حتى يطيب الدجاج وينقص المرق
نصفيو الجلبانة والدجاج ونبداو طبقات الغراتان
نسلو اللحم من العظم (واذاكان صدر نقطعوه) نضيفولو زيتون اخضر وشوية معنوس او دبشة+بطاطا مكعبات مقلية+الجلبانة الطايبة
في مول مدهون زبدة نحطو على التوالى :جلبانة ،خليط اللحم والزيتون والمعدنوس(وممكن تزيدو فرماج مثلثات او مربعات يجي هايل) واخيرا البطاطا
ناخذو louche من المرق اللي طابت فيه الجلبانة نزيدولو5 بيضات ،ملح وفلفل اكحل ونضربو بالفرشيطة ونصبوه في المول
ثم الى فرن مسخن
ليست هناك تعليقات:
إرسال تعليق